Укучылары аз булган мәктәпләргә ябылу куркынычы яный
“Татарстанда укучылар саны 80 нән ким булган урта мәктәпләр калмаска тиеш”, – дип белдерде Татарстан фән һәм мәгариф министры Энгель Фәттахов "Татарстанда урта белем бирүне камилләштерү"гә багышланган утырышта.
Президент Рөстәм Миңнеханов министрның бу тәкъдимен хуплады. Министр фикеренчә, балалар саны аз булган мәктәпләргә яшь белгечләркилми, укучылар арасында да көндәшлек юк, һөнәри белем бирү дә каралмаган. БДИ тапшырганда балалар саны аз булган мәктәпләр югары күрсәткечкә ирешә алмый икән. Бүген республикада 1403 урта мәктәп бар, аның 244 ендә балалар саны җитәрлек түгел.