Նոր նշանակումներ ոստիկանությունում. Շիրակը նոր ոստիկանապետ ունի, Երևանը՝ նոր փոխոստիկանապետ
ՀՀ ոստիկանության պետ Վալերիյ Օսիպյանի հրամաններով նշանակումներ են արվել ոստիկանության տարբեր ստորաբաժանումներում:
Tert.am-ի հետ զրույցում ՀՀ ոստիկանության ԶԼՄ-ների հետ կապի լրատվության և վերլուծության բաժնի պետ Զարզանդ Գաբրիելյանն ասաց, որ Ոստիկանության Շիրակի մարզային վարչության պետ է նշանակվել ոստիկանության գնդապետ Գրիգոր Գրիգորյանը, ով մինչ այդ զբաղեցրել է Ոստիկանության Տավուշի մարզային վարչության պետի պաշտոնը:
«Ոստիկանապետի մեկ այլ հրամանով ոստիկանության փոխգնդապետ Վահե Ղազարյանն էլ նշանակվել է Տավուշի մարզային վարչության պետ՝ ազատվելով Ոստիկանության Դիլիջանի բաժնի պետի պաշտոնից»,-ասաց Զարզանդ Գաբրիելյանը:
Նա նաև հայտնեց, որ ՀՀ ոստիկանապետ Վալերիյ Օսիպյանի մեկ այլ հրամանով Երևանի փոխոստիկանապետ է նշանակվել Ոստիկանության Կենտրոնի ծառայության գծով պետի տեղակալ Էդգար Պետրոսյանը:
Նշենք, որ Երևանի փոխոստիկանապետի պաշտոնը 2012-2018 թթ. զբաղեցրել է Վալերիյ Օսիպյանը: