Տիգրան Կիրակոսյանը՝ սամբոյի Եվրոպայի չեմպիոն
Վանաձորցի սամբիստ, 52 կգ քաշային Տիգրան Կիրակոսյանը (մարզական սամբո) մայիսի 17-ից 20-ը Հունաստանի Աթենք քաղաքում կայացած սամբոյի Եվրոպայի առաջնությունում հռչակվել է Եվրոպայի չեմպիոն:
Այս մասին հայտնում է ՀՀ սպորտի և երիտասարդության հարցերի նախարարության պաշտոնական կայքը:
Հայաստանի Հանրապետության հավաքականի անդամներ, 74 կգ քաշային Արսեն Ղազարյանը (մարզական սամբո), 52 կգ քաշային Գրիգոր Մխիթարյանը (մարտական սամբո), 57 կգ քաշային Մխիթար Մխիթարյանը (մարտական սամբո), 68 կգ քաշային Վաչիկ Վարդանյանը (մարտական սամբո) և 82 կգ քաշային Դավիթ Պետրոսյանը (մարտական սամբո) դարձել են բրոնզե մեդալակիրներ:
ՀՀ սամբոյի հավաքականը Աթենքից Երևան կժամանի այսօր՝ մայիսի 21-ին, ժամը 23.50-ին: