Britan parlamenti Orsýetiň 'hapa' pullarynyň täsirini ýazgarýar
“Bu ‘hapa pullaryň’ Beýik Britaniýanyň daşary syýasy bähbitlerine ýetirip biljek zyýanynyň möçberi Orsýetiň transaksiýalarynyň getirýän bähbitlerine kölege salýar” diýip, britan parlamentiniň Daşary syýasat boýunça komitetiniň başlygy Tom Tugendhat 21-nji maýda “Moskwanyň altyny: Orsýetiň Beýik Britaniýadaky korrupsiýasy” atly hasabatyň köpçülige hödürlenmeginiň öňüsyrasynda aýtdy.
Tugendhat Londonyň orsýetlileriň britan paýtagtynda kaşaň emläkleri satyn almagyna rugsat berip, öz bazarlary arkaly Kremliň günbatarda öz täsirini ýaýratmagyna “ýol berýändigini” duýdurdy.
Britaniýa 1991-nji ýylda Sowet Soýuzynyň dargamagynyň yzýany Orsýetiň uly mukdarly maýa goýumlarynyň esasy merkezine öwrüldi.