Սիրիան դուրս է մղել ԻՊ-ը և վերադարձրել Դամասկոսի վերահսկողությունը

Սիրիայի զինված ուժերը հայտարարել են մայրաքաղաք Դամասկոսի բոլոր թաղամասերի վերահսկողությունն ամբողջությամբ վերադարձնելու մասին: Ինչպես նշում է BBC News-ը, սա տեղի է ունեցել վեց տարվա մեջ առաջին անգամ:

«Դամասկոսը և դրա շրջակայքը, արվարձանները և մոտակա քաղաքներն ամբողջությամբ ապահով են՝ մի շարք ինտենսիվ և հետևողական ռազմական գործողությունների շնորհիվ»,- ասել է Սիրիական բանակի գլխավոր հրամանատարի խոսնակ Գեն Ալի Մայհոուբը պետական հեռուստատեսությունում ելույթ ունենալու ժամանակ:

Հայտարարությունն արվել է, երբ զորքերն ազատել են Էլ Հաջար Էլ Ասվադում տեղակայված փախստականների ճամբարն «Իսլամական պետություն» ահաբեկչական խմբավորման գրոհայիններից:

Նշվում է, որ մի շարք ջիհադիստներ ավտոբուսով տեղափոխվել են Արևելյան Սիրիա: