Մեկ օրում թուրքական առողջարաններում հանգստացող երկու ռուս զբոսաշրջիկ է մահացել
Թուրքիայի Ալանիա առողջարանային քաղաքում արտակարգ դեպք է գրանցվել. ծովում լողալիս խեղդվել է ռուս զբոսաշրջիկ Դմիտրի Բեվզը: Այս մասին հայտնում է INTERFAX.RU-ն՝ վկայակոչելով թուրքական աղբյուրը:
Թուրքական աղբյուրի տվյալներով՝ միջադեպը տեղի է ունեցել Ալանիայի Քոնաքլը շրջանում: 30-ամյա զբոսաշրջիկը սկսել է խեղդվել լողալու պահին: Լողափում հանգստացողները նկատել են, որ տղամարդը խեղդվում է և փրկարարների են կանչել, որոնք դուրս են բերել նրան ջրից: Տղամարդուն հոսպիտալացրել են: Բժիշկներին, սակայն, չի հաջողվել փրկել նրա կյանքը:
Մեկ այլ աղբյուրի տվյալներով՝ Քեմեր նահանգում նույնպես ռուս քաղաքացի է մահացել, որը հանգստանալու էր ժամանել կնոջ հետ: Հյուրանոցային համարում 50-ամյա Սերգեյ Վոլոդինն անսպասելիորեն ուշագնաց է եղել և հարվածել գլուխը: Ստացած վնասվածքից նա մահացել է Անթալիայի հիվանդանոցում: Մահվան հանգամանքներն ու պատճառը պարզվում են: