Жаңы Зеландиянын премьер-министри көз жарды

Жаңы Зеландиянын премьер-министри Жасинда Ардерн 21-июнда көз жарды. Бул кабарды өкмөт башчы өзү "Инстаграмдагы" баракчасына жарыялап, кызы жана анын атасы болуп чогуу түшкөн сүрөтүн чыгарды.




37 жаштагы Ардерн былтыр октябрда өкмөт башына келген. Кызматка киришкенден алты күндөн кийин кош бойлуу экенин коомчулукка жарыялаган. 


Алты жумалык төрөттөн киийнки өргүүсүн алып, ымыркай кызын карайт. Бул учурда анын милдетин вице-премьер-министр аткарып турат. Буга чейин Беназир Бхутто 1990-жылы Пакистандын премьер-министри болуп турган кезинде көз жарган болчу.