Մոսկվայի դատարանը տուգանել է «Ազատ Եվորպա/Ազատություն» Ռ/Կ-ին

Մոսկվայի դատարանը այսօր որոշեց տուգանել «Ազատ Եվրոպա/Ազատություն» Ռ/Կ-ին, գտնելով,  որ ընկերությունը խախտել է  «օտաերկրյա գործակալի» մասին օրենքի պահանջները, մասնավորապես համապատասխան մարմիններին ֆինանսական հաշվետվություն չի ներկայացվել: Մոսկվայի Տվերսկոյի շրջանի դատարանը, որոշեց ընկերությանը տուգանել 100 հազար ռուբլիով (1600 ամերիկյան դոլար): Ընկերության ղեկավարությունը դատարանի որոշումը անարդար է համարում: Փաստաբանը նշել է, որ չնայած բազմաթիվ դիմումներին, արդարադատության նախարարության չինովնիկները այդպես էլ չեն պարզաբանել փաստաթղթերի լրացման կարգը: Բացի այդ, «օտարերկրյա գործակալ» համարվող լրատվամիջոցների ֆինանսական հաշվետվություն ներկայացնելու կարգը ուժի մեջ է մտել այն ժամանակ, երբ արդեն ավարտվել էր հաշվետվությունը  ներկայացնելու օրենքով նախատեսված ժամկետը:


«Օտարերկյա  գործակալի» մասին օրենքի խախտելու մեղադրանքները  կարող  են հանգեցնել ընկերության և նրա աշխատակիցների  դեմ  քրեական բնույթի մեղադրանքների և սպառնալ ընկերության  գործունեությանը Ռուսաստանի  տարածքում:


«Ազատ Եվրոպա/Ազատություն» Ռ/Կ-ի նախագահ Թոմաս Քենթն ասել է, որ Ռուսաստանում ընկերության նկատմամբ հետապնդումների նոր կտրուկ սրացումը ուղղված է խոչընդոտելու ընկերության աշխատանքը և հանրության մոտ կասկածամտություն առաջացնել աշխատակիցների հանդեպ:  


Դատարանի որոշումը  հաջորդում է ութ ամիս առաջ  ՌԴ արդարադատության նախարարության կողմից «Ազատ Եվրոպա/ Ազատություն» Ռ/Կ-ին, «Ամերիկայի ձայն»-ին ու մի շարք լրատվական հաղորդումներին «օտարերկրյա գործակալ» պիտակավորելու  որոշմանը:


Թոմաս Քենթն ասել է, որ ինչպես  երևում է, ի սկզբանե այդ  օրենքը  քաղաքական բնույթ  է կրել: «Ռուսաստանում գործող  արտասահմանյան բոլոր լրատվամիջոցներից «օտարերկրյա գործակել» են համարվել միայն ԱՄՆ-ի կոգրեսի  կողմից ֆինանսավորվող  լրատվամիջոցները: Մեր կարծիքով օրենքը ստեղծվել է  բացառապես մեզ թիրախավորելու համար: ԱՄՆ-ի  օրենսդրությունը երաշխավորում է մեր խմբագրական անկախությունը: Պնդումները, թե մենք  որևէ  կառավարության գործակալ ենք՝ կեղծ  է: Դա  ազդեցություն է  թողնում Ռուսաստանում մեր աշխատանքի վրա և վտանգներ  ստեղծում մեր աշխատակիցների համար»,-ասել է «Ազատ Եվրոպա/Ազատություն» ռադիոկայանի  նախագահը: