Зәй укытучылары – төбәкара бәйгедә
“Ел укытучысы – 2015” республика һөнәри осталык бәйгесенең төбәк этаплары берничә районда узды, шул исәптән Зәйдә дә 5-6 мартта шәһәребезнең 2, 4 һәм 6нчы мәктәпләрендә Алабуга, Мамадыш, Сарман һәм Түбән Кама районнарыннан бәйгенең муниципаль этабында җиңү яулаган сыйныф җитәкчеләре, педагог-психологлар, өстәмә белем бирү педагоглары көч сынашты. Зәй данын анда Резеда Вәлиева (2нче мәктәп), Светлана Трофимова (2), Дания Шәрифуллина ( “Тату гаилә “ бакчасы), Ольга Зәйниева (коррекция мәктәбе), Светлана Хәбибрахманова (4), Гүзәл Асылхуҗина (татар гимназиясе), Оксана Скрипкова (4) яклады. Барлык төбәкләрдә узган бәйге нәтиҗәләре буенча педагоглар конкурсның финалына сайлап алыначак.