Ռամզան Կադիրովն ավտոմեքենա է նվիրել տղամարդուն՝ ոստիկանին վրաերթի ենթարկած վարորդին կանգնեցնելու փորձի համար
Չեչնիայի նախագահ Ռամզան Կադիրովն ավտոմեքենա է նվիրել Գելդագան գյուղի բնակչին, որն իր ավտոմեքենայով փորձել է փակել ոստիկանին վրաերթի ենթարկած հանցագործի ճանապարհը: Վերջինս Mercedes մակնիշի ավտոմեքենայով ոստիկանի է վրաերթի ենթարկել Գրոզնիում:
РИА Новости-ի հաղորդմամբ՝ Ռամզան Կադիրովը հրահանգել է շնորհակալական խոսքեր փոխանցել ու Hyundai Solaris մակնիշի ավտոմեքենա նվիրել տղամարդուն:
Տղամարդու խոսքով՝ ավտոմեքենա վարելու ընթացքում ինքը հետևի հայելու մեջ տեսել է՝ ինչպես է մի ուրիշ վարորդ վրաերթի ենթարկել ոստիկանին ու շարունակել երթևեկել: Տղամարդը փորձել է իր ավտոմեքենայի միջոցով կանգնեցնել հանցագործին, սակայն վերջինս հետ է մղել նրա ավտոմեքենան ու շարունակել երթևեկել:
Նշվում է, որ տղամարդու ավտոմեքենան լրջորեն վնասվել է, սակայն նա չի տուժել: