ناټو په افغانستان کې د یوه امریکایي سرتېري د وژل کیدو خبر ورکوي
ناټو په یوه حمله کې چې ظاهراً د افغان امنیتي ځواکونو لهخوا شوې، د یوه امریکایي سرتېري د وژل کېدو خبر ورکوي.
په هغې خبرپاڼه کې چې ناټو خپره کړې ویل شوي چې په دغه پېښه کې د دوشنبې په ورځ د افغانستان په ختیځ کې پېښه شوې یو بل امریکایي سرتېری پهکې ژوبل شوی دی.
د وژل شوي او ټپي شوي سرتېري نومونه نهدي په ډاګه شوي او دا هم نهدي ویل شوي چې دغه پېښه په کومه سیمه کې شوې ده.
د افغانستان دفاع وزارت هم پرته له دې چې په دې اړه نور جزئیات ورکړي وایي چې په دې اړه پلټنه کوي.
دا په روان ۲۰۱۸ م کال کې شپږم امریکایي پوځي دی چې په افغانستان کې وژل کېږي.