Зәйдә мәктәп укучылары “Президент спорт уеннары”нда ярышты
Зәйнең 4нче мәктәбе базасында үткән “Президент спорт уеннары” бәйгесе нәтиҗәләре билгеле булды. Ярышларда 1998-2003 елларда туган укучылардан 8 командасы көч сынашты. Укучылар баскетбол, волейбол, җиңел атлетика, өстәл теннисы, йөзү, пневматик коралдан ату буенча ярыштылар. Гомуми нәтиҗәләр буенча 1998-1999 елларда туганнар арасында 6нчы мәктәп - беренче, 4нче мәктәп - икенче, 7 нче мәктәп өченче урыннарны алды. 2000-2001 елгылардан 1 нче мәктәп беренче, 7 нче мәктәп икенче, 2 нче мәктәп өченче, 2002-2003 елгылардан татар гимназиясе - беренче, 4 yче мәктәп - икенче, 6нчы мәктәп өченче.