Երևանի Չեխովի փողոցի շենքերից մեկի բակում 25-30 տարեկան տղամարդու դի է հայտնաբերվել. Shamshyan.com
Երեկ՝ հոկտեմբերի 24-ին, ողբերգական դեպք է տեղի ունեցել Երևանում: Ժամը 18:10-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Շենգավիթ վարչական շրջանի Չեխովի փողոցի թիվ 27 շենքի բակում դի կա:
Ինչպես տեղեկացնում է shamshyan.com կայքը, դեպքի վայր ժամանած ոստիկաններն ու քննիչները հայտնաբերել են 25-30 տարեկան տղամարդու դի: Ըստ նախնական տեղեկությունների՝ մահացածը, ում ինքնությունը ոստիկաններն ու քննիչները պարզում են, ցած է նետվել նշված շենքի 5-րդ հարկից:
Փաստի առթիվ Շենգավիթի քննչական բաժնում նյութեր են նախապատրաստվում:
Մանրամասները՝ սկզբնաղբյուր կայքում: