ԱԺ 11 մշտական հանձնաժողովների նախագահներն ընտրվեցին
Առողջապահության և սոցիալական հարցերի հանձնաժողովի նախագահ ընտրվեց Նարեկ Զեյնալյանը, Արտաքին հարաբերությունների հանձնաժողովի նախագահ՝ Ռուբեն Ռուբինյանը, Գիտության, կրթության, մշակույթի, սփյուռքի, երիտասարդության և սպորտի հարցերի հանձնաժողովի նախագահ՝ Մխիթար Հայրապետյանը, Եվրոպական ինտեգրման հանձնաժողովի նախագահ՝ Արման Եղոյանը, Պաշտպանության և անվտանգության հարցերի հանձնաժողովի նախագահ՝ Անդրանիկ Քոչարյանը, Պետաիրավական հարցերի հանձնաժողովի նախագահ՝ Վլադիմիր Վարդանյանը, Տարածքային կառավարման, տեղական ինքնակառավարման, գյուղատնտեսության և բնապահպանության հարցերի հանձնաժողովի նախագահ՝ Վարազդատ Կարապետյանը, Տնտեսական հարցերի հանձնաժողովի նախագահ՝ Բաբկեն Թունյանը: Բոլոր 8 պատգամավորները «Իմ քայլը» խմբակցությունից են:
Քաղաքական պայմանավորվածության համաձայն՝ Տարածաշրջանային և եվրասիական ինտեգրման հարցերի և Մարդու իրավունքների և հանրային հարցերի հանձնաժողովները գլխավորեցին «Բարգավաճ Հայաստան»-ի պատգամավորներ Միքայել Մելքումյանը և Նաիրա Զոհրաբյանը, իսկ Ֆինանսավարկային և բյուջետային հանձնաժողովը՝ «Լուսավոր Հայաստան»-ի պատգամավոր Մանե Թանդիլյանը: