Вучиќ: Ако нема дијалог со Косово, тогаш ќе има избори
„Ако нема дијалог, нема пречки да се оди на избори. Затоа е важно да знаеме дали сакаат да разговараат … мислам дека е важно да ги земеме предвид државните интереси и затоа сакаме одговорот од Европејците и од Приштина. Ако не се укинат таксите, тогаш да им дадеме шанса, како и за идејата на (Рамуш) Харадинај да ме тргнат од власта. А тоа се работи на избори “, рече Вучиќ на обраќањето до медиумите после посетата на рускиот претседател Владимир Путин на Белград.
Тој додаде дека е подготвен да ги сослуша сите наводи дека избирачкиот список не е добар, за да се коригираат можните неправилности.
Вучиќ рече дека не е работа на Србија да „покажува мускули, туку да размислува“ и да бара разговори, бидејќи како што додаде „тој ја моли албанската страна да ги укине таксите, бидејќи без овие решенија ќе има политички и економски проблеми“.
Тој ја негираше изјавата на претседателот на Собранието на Косово, Кадри Весели, дека рускиот претседател Владимир Путин му рекол дека мора да ја признае независноста на Косово.