თეთრი სახლი: დონალდ ტრამპისა და კიმ ჩენ ინის მეორე შეხვედრა გაიმართება თებერვალში
ჯერჯერობით გარკვეული არ არის შეხვედრის ადგილი და დრო. პირველი სამიტის მსგავსად, რომელიც გასულ წელს სინგაპურში გაიმართა, მომავალი შეხვედრის მთავარი თემა ჩრდილოეთ კორეის ბირთვული პროგრამა იქნება.
დონალდ ტრამპთან შეხვედრამდე, კიმ ენ ჩხოლეს შეხვდა აშშ-ის სახელმწიფო მდივანი მაიკ პომპეო. სახელმწიფო დეპარტამენტმა შეხვედრას უწოდა „კარგი“ და აღნიშნა, რომ მსჯელობა შეეხებოდა ვალდებულებებს, რომელიც ჩრდილოეთმა კორეამ ბირთვულ პროგრამასთან დაკავშირებით სინგაპურის სამიტზე იკისრა.