ტრამპმა დემოკრატებს შესთავაზა კომპრომისული გადაწყვეტილება
ტრამპის წინადადება სამწლიან იურიდიულ დაცვას ითავლისწინებს იმ კატეგორიის არალეგალური მიგრანტებისათვის, რომლებიც აშშ-ში შემოიყვანეს, როცა ბაშვები იყვნენ; ასევე იურიდიულ დაცვა გარანტირებული ექნებათ ასევე მიგრანტებს, რომლებსაც ეწურებათ აშშ-ის ტერიტორიაზე დროებითი თავშესაფრის ვადა.
ამასთან აშშ-ის პრეზიდენტი უარს ამბობს კედლის მშენებლობაზე მექსიკის მთელი საზღვრის გასწვრივ. ამის ნაცვლად ტრამპი ოპონენტებს სთავაზობს ბარიერის აგებას მხოლოდ 370 კილომეტრის სიგრძეზე. „კედელი არ არის ამორალური“, - განაცხადა დონალდ ტრამპმა.
თუმცა, აშშ-ის გეგმით დამცავი ბარიერის მშენებლობისათის ფედერალური ბიუჯეტიდან საჭირო იქნება კვლავ 5,7 მილიარდი დოლარის გამოყოფა, რასაც აშშ-ის პეზიდენტი მანამდე კედლის მშენებლობისათვის მოითხოვდა. 2018 წელს CNN-ის იტყობინებოდა, რომ პრეზიდენტის ადმინისტრაციის გეგმა ითვლისწინებდა 1390 კილომეტრის საზღვრის სიგრძის ახალი კედლის აშენებას და უკვე არსებული1870 კმ. სიგრძის ღობურის რეკონსტრუქციას.
სახმელეთო საზღვარის სიგრძე მექსიკასა და აშშ-ს შორის 3145 კილომეტრია. აქედან 1050 კილომეტრი სიგრძის საზღვარი უკვე გადაკეტილია სხვადასხვა სახის კედლითა და ღობურით.
დონალდ ტრამპის ახალი ინიციატივა ითავლისწინებს ასევე აშშ-ის სასაზღვრო და საბაჟო სამსახურის მიერ 2750 ახალი თანამშრომლის დაქირავებას. 800 მილიონი დოლარის გამოყოფას მიგრანტების ჰუმანიტარული დახმარებისა და ნარკოტიკების ამოსაცნობი სასაზღვრო ტექნოლოგიებისათვის.
დონალდ ტრამპი იმედოვნებს, რომ მისი კომპრომისული წინადადება შესაძლებელს გახდის ფედერალური მთავრობის მიერ მუშაობის განახლებას. აშშ-ის ისტორიაში ყველაზე ხანგრძლივი “შათდაუნი” უკვე 29-ე დღეა გრძელდება.
ტრამპის გამოსვლამდე დემოკრატებმა უარი თქვეს ნებისმიერ კომპრომისზე, ვიდრე აშშ-ის პრეზიდენტიარ გააუქმებს „შათდაუნს“. წარმომადგენელთ აპალატის ლიდერმა ნენსი პელოსიმ დონალდ ტრამპის წინადადებას „მიუღებელი“ უწოდა.