Җырчы буласың килсә – кастингка бар

"TMTV" телеканалы, "Барс Медиа" продюсерлык үзәге һәм "Татар радиосы" зур кастинг игълан итә. 26 апрельдә кем өчендер тормышын баштанаяк үзгәртү мөмкинлеге туачак, дип ышандыра чараны оештыручылар.

---

Кастинг "OUT HALL" төнге клубында узачак. Үзен алып баручы, җырчы ролендә сынап карарга теләүчеләр 10:00 сәгатькә әлеге клубка килә ала. Барысы да уңышлы килеп чыга икән, кызыклы эш тә тәкъдим ителергә мөмкин.

 

Йолдызлы кастингта катнашучыларга йолдызлардан торган жюри әгъзалары бәя бирәчәк. Алар – Зәйнәп Фәрхетдинова, Әбри Хәбриев, Гөлназ Сәфәрова, Лилия Кадыйрова, Айваз Садыров, Илсия Ганиуллина.

 

Сүз уңаеннан: үз вакытында кастинг Раяз Фасихов, Илвина, Алинә Сафиуллина, Гөлназ Сәфәрова, Әбри Хәбриев, Ландыш Нигъмәтҗанова, Иркә, Мөнир Рахмаев кебек йолдызларны тамашачыга таныткан иде.

 

http://intertat.ru/