Мудраслоўе: Рамяство
Удзельнічае мастак Уладзімер БасалыгаЭфір 29 ліпеня 2010 годуВячаслаў Ракіцкі: А як вы разумееце такія прыказкі: "Ганчар у чарапках есьці варыць, а шавец у атопках ходзіць", ці "Кожны шавец бяз ботаў ходзіць, а ў каваля сякеры няма"?Уладзімер Басалыга: Гэтая прыказка пра тое, што выдатна зроблены рамесьнікам выраб, абавязкова будзе запатрабаваны. І выдатнае ўмельства стала прычынай нараджэньня такіх прыказак. Можна пачуць і такую размову: " – Васіль, як справы? – Ай, нічога сабе, усё людзям!" Душа такога чалавека ня можа спыніцца, каб усё лепшае, што ён робіць, аддаць людзям. Ды яшчэ за грошы…" Рамяство: "3 рамяством дружыць — у жыцьці не тужыць""Усё, што ўмееш, то добра""Які рамесьнік — такая работа""Вочы страшацца, а рукі зробяць""Як умею, так i клею""Не сьвятыя гаршкі лепяць""Добра усе ўмець, але ня ўсё рабіць""Без сякеры ня плотнік, без лапаты не агароднік""Ганчар у чарапках есьці варыць, а шавец у атопках ходзіць""Кожны шавец бяз ботаў ходзіць, а ў каваля сякеры няма""Шавец шыіць—жонка выіць""Музыка ды дудар—невялікі гаспадар""Музыкант іграець — жонка хлеба ня маець""Была б ахвота, дык будзе i работа""Якая пража, такое i палатно ляжа""Хто ўмее ўсяк, а хто — ніяк""Каму ў галаву зайдзе, той за печкай знайдзе""Багаты зажабруе, а каваль запануе""Ня сілай ухапі, а розумам""Сілай капаць — вады ня піць"