Петербургдаги пичоқбозликда жароҳатланган 4 одам ўзбекистонлик экани таҳмин қилинмоқда
“Номаълум жиноятчилар 24, 32 ва 33 ёшда бўлган тўрт нафар эркакни пичоқлаган, шундан сўнг улар Ravon ва Chevrolet автомобилларига ўтириб, воқеа жойидан қочган”, деб билдирди Петербург полицияси.
Регнум агентлигининг полицияга таяниб 20 майда хабар беришича, ҳужум қилганлар кавказликлар бўлиши мумкин. Ҳужумдан сўнг пичоқбозлик қилганлар миниб қочган машина Доғистон фуқаросига тегишли экани аниқланган.
“Фонтанка” нашри ўз мнабаларига таянган ҳолда жароҳатланган эркаклар Ўзбекистондан Россияга ишлагани келган меҳнат мигрантлари эканини ёзди.
Пичоқланганлардан бири оғир аҳволда Тез ёрдам илмий тиббиёт марказига ётқизилди.