شمالي مقدونیې د يوې لارۍ پر سر ۸ عراقي پناه غوښتونکي موندلي

د شمالي مقدونیه چارواکو له صربیا سره پولې ته نېږدې د يوې لارۍ په سر کې اته عراقي پناه غوښتونکي موندلي دي.


دا اته سړي هغه مهال چارواکو ته په‌لاس ورغلي چې د یکشنبې په ورځ یې پر تابانوفڅې پوله څار کاوه.


د شمالي مقدونیه د کورنیو چارو وزارت په وينا دې لارۍ د بلغاریه پلیټ درلود.


پولیسو ويلي چې د لارۍ چلوونکی يې نيولی او پناه غوښتونکي يې یوه کمپ ته انتقال کړي دي.


دغه کسان په غیرقانوني توګه له یونانه شمالي مقدونیه ته ننوتلي او غوښتل يې د صربيا له لارې اروپايي ټولنې هېوادونو ته لاړ شي.


له منځني ختيځ او شمالي اسيايي هېوادونو څخه ګڼ پناه غوښتونکي د بالکان له لارې اروپايي اتحاديې هېوادونو ته د ننوتلو هڅې کوي.