Բրենթոն Թարանթը պաշտոնապես մեղադրվեց ահաբեկչության մջ

Նոր Զելանդիայում՝ Քրայսթչերչ ավանում, երկու մզկիթների վրա արյունալի գրոհ իրականացրած ավստրալացի Բրենթոն Թարանթին այսօր պաշտոնապես ներկայացրել են ահաբեկչության մեղադրանք:


Նա մեղադրվում է մարտի 15-ին ահաբեկչական գործողության միջոցով 51 մարդու սպանության և 39 մարդկանց սպանելու փորձի մեջ:


Ահաբեկչության մեղադրանքնով անձը Նոր Զելանդիայում կարող է դատապարտվել ցմահ ազատազրկման:


Թարանթի իրականացրած գրոհն ամենաարյունալի զանգվածային սպանդն է Նոր Զելանդիայի պատմության ընթացքում:


Այդ հարձակումից շաբաթներ անց Նոր Զելանդիայի խորհրդարանը չեղյալ է հայտարարել ինքնաձիգ կամ կիսաինքնաձիզ հրազեն պահելու իրավունքը և զենքի վերաբերյալ լրացուցիչ սահմանափակումներ է հաստատել:


28-ամյա Բրենթոն Թարանթը «սպիտակամորթների գերիշխանության»  թեզի ջատագով է և մերժում է այլազգիների ու, մասնավորապես, մահմեդականների ներգաղթի գաղափարը: Հաջորդ անգամ նա դատարան կբերվի հունիսին: