د نوي زیلاند پر جوماتونو د حملې مسؤل رسماً، په ترورېزم تورن شو
په کرایستچرچ کې حملې، د مارچ میاشتې په ۱۵مه وشوې.
حملې یوه سپین پوستي استرالیايي وګړي چې برنتن تارنت نومېږي کړې وې.
هغه په ۵۱ مواردو کې په قتل او په ۳۹ مواردو کې د قتل په هڅه تورن دی.
د نوي زیلاند پولیسو نن د مې په ۲۱مه، په یوه بیان کې وویل چې پر هغه د عمري قید حکم کېدلای شي.
برنتن تارنت ۲۸ کلن دی او په ترورېستي عمل کې په دخالت تورن شوی دی.
هغه به د جون په میاشت کې محکمې ته ودرول شي.