ჩეჩენი აქტივისტი ოიუბ ტიტიევი ითხოვს ციხიდან პირობით ვადამდე გათავისუფლებას
ტიტიევს, რომელიც უფლებადამცველ ორგანიზაცია „მემორიალის“ გროზნოს განყოფილების ხელმძღვანელია, წელს 18 მარტს მიუსაჯეს ოთხი წლით პატიმრობა ნარკოტიკების შენახვის ბრალდებით.
„მემორიალის“ განცხადებით, ამასობაში, ტიტიევმა მოიხადა პატიმრობის ვადის მესამედი, რის გამოც შეუძლია ითხოვოს პირობით ვადამდე გათავისუფლება.
შალის საქალაქო სასამართლოს 15 მაისს მიმართეს შესაბამისი შუამავლობით. დაცვის მხარე აღნიშნავს, რომ ტიტიევი მკაცრად იცავდა კოლონიის შიდა განაწესს.
ოიუბ ტიტიევი 2018 წლის 9 იანვარს დააკავეს, გამოძიების ვერსიით, მის მანქანაში მარიხუანის პოვნის გამო. აქტივისტი ირწმუნება, რომ ნარკოტიკები პოლიციელებმა ჩაუდეს.