„კომერსანტის“ ჟურნალისტები ღია წერილში აღნიშნავენ, რომ რუსეთი „იმსახურებს სიტყვის თავისუფლებას“
ეს ნაბიჯი ერთ დღეში მოჰყვა 10-მდე ჟურნალისტის გადაწყვეტილებას, დაეტოვებინა „კომერსანტი“, რითაც სოლიდარობა გამოუცხადა ორ კოლეგას, რომელიც სამსახურიდან დაითხოვეს რუსეთის პარლამენტის ზედა პალატის ხელმძღვანელობის სავარაუდო შეცვლის შესახებ სტატიის გამო.
ორი ჟურნალისტის მოხსნა, ცნობების თანახმად, აქციონერებმა მოითხოვეს. სტატიაში ნათქვამი იყო, რომ შესაძლოა ფედერაციის საბჭოს თავმჯდომარის პოსტს ტოვებდეს ვალენტინა მატვიენკო, პრეზიდენტ პუტინის ერთ-ერთი ყველაზე ერთგული მოკავშირე.
ჟურნალისტები 21 მაისის ღია წერილში აღნიშნავენ, რომ აქციონერები „ანადგურებენ რუსეთის ერთ-ერთ საუკეთესო მედიასაშუალებას“ „მოკლევადიანი პოლიტიკური მოგებისათვის“.
„გვჯერა, რომ რუსეთი იმსახურებს უკეთეს მომავალს“, „იმსახურებს სიტყვის თავისუფლებას“, წერენ ჟურნალისტები.
„კომერსანტის“ მფლობელის, ოლიგარქ ალიშერ უსმანოვის წარმომადგენელმა 20 მაისს გამოაცხადა, რომ მილიარდერს არაფერი აქვს საერთო ჟურნალისტების მოხსნასთან და რომ ის საერთოდ არ ერევა გაზეთის სარედაქციო გადაწყვეტილებებში.