მოსკოვში დააკავეს ოპოზიციონერ ალექსეი ნავალნისთან დაახლოებული პირი
ვოლკოვმა 21 მაისს ტვიტერში დაწერა, რომ მოსკოვში პოლიციელებმა მანქანა გააჩერებინეს და „უცნაური შეკითხვები“ დაუსვეს. შემდეგ ის დააკავეს.
აქტივისტი ავრცელებს ცნობას, რომ მას წაუყენეს საჯარო შეკრების ჩატარების წესების განმეორებით დარღვევის ბრალდება, რაც უკავშირდება სექტემბერში გამართულ დემონსტრაციებს.
რუსეთში 2018 წლის საპრეზიდენტო არჩევნების წინ ვოლკოვი ხელმძღვანელობდა ალექსეი ნავალნის საარჩევნო შტაბს. ნავალნის უარი უთხრეს კანდიდატად რეგისტრაციაზე ნასამართლეობისათვის, რასაც პოლიტიკოსი და მისი მხარდამჭერები მიიჩნევენ შეთითხნილ საქმედ სააჩევნო პროცესიდან ოპოზიციონერის ჩამოსაცილებლად.
ნავალნიმ და მისმა თანამოაზრეებმა 9 სექტემბერს რუსეთის ბევრ ქალაქში გამართეს მასობრივი აქციები საპენსიო ასაკის გაზრდის გეგმის გასაპროტესტებლად. პოლიციელებმა 1000-ზე მეტი დემონსტრანტი დააკავეს.