Халқ таълими вазири ўринбосари тайинланди
Халқ таълими вазири ўринбосари лавозимини Темуржон Комилов эгаллади. У халқ таълими соҳасида молиявий-иқтисодий масалаларга масъул ҳисобланади, дейилади ХТВ хабарида.
Темуржон Комилов халқаро иқтисодий муносабатлар йўналиши бўйича Жаҳон иқтисодиёти ва дипломатия университетида 2004 йил бакалаврият ва 2006 йили магистратурани тамомлаган. 2005-2017 йилларда давлат органларида фаолият юритган.
2017 йилдан Ўзбекистон Республикаси Ҳисоб палатасида ишлаб келган. 2018 йилда у Ҳисоб палатасининг Бюджет тизими бюджетлари шакллантирилиши ва харажат қисми ижро этилишини назорат қилиш шўъбаси бош инспектори лавозимида ишлаб келган.
Бу лавозимда Темуржон Комилов Атабек Назировнинг ўрнини эгаллади. Эслатиб ўтамиз, Атабек Назиров 2019 йил январь ойида Капитал бозорини ривожлантириш агентлиги директори этиб тайинланган.