Ўзбекистонлик спортчи Конор Макгрегор билан жанг қилиш мақсадида унга мурожаат йўллади (+видео)
Спортнинг яккакураш йўналишлари бўйича шуғулланиб келувчи Муҳаммадали Тоштурғунов UFC’нинг енгил вазн тоифасидаги собиқ жаҳон чемпиони ирландиялик Конор Макгрегорга видео мурожаат йўллади. У мазкур роликни instagram’даги расмий саҳифасига жойлаб, Конорни жанг қилишга чорлади.
«Конор МакГрегор, сен жаҳондаги энг кучли жангчисан. Сен менинг кумиримсан. Мен кўплаб жангларимда ғалаба қозонганман. Журналистларга берган интервьюларимдан бирида менга қизиқарли савол беришганди: »Агар сенда жаҳоннинг машҳур спортчиларидан бири билан жанг қилиш имкони бўлса кимни танлардинг? Мен ўшанда сен билан жанг қилишни исташимни айтганман. Видеони кўрган барча кулганди. Ўшанда менинг жаҳлим чиққанди. Мен фақат ўз орзуим ҳақида гапиргандим. Мен Худодан сенга қарши жанг қилишни сўрайман. Менга имконият бер. Ваъда бераманки, худди номаълум жаҳон чемпиони Рокки Бальбоа Апполо Кридни мағлуб этгандек ғалаба қозона оламан. Мен ўша видеони болалигимдан томоша қилиб келаман», – дея инглиз тилида пост жойлаган Тоштурғунов.