ზელენსკი აშშ-ს მადლობას უხდის უკრაინის ტერიტორიული მთლიანობის მხარდაჭერისათვის
20 მაისს პრეზიდენტად ინაუგურაციაზე აშშ-ის დელეგაციასთან შეხვედრისას, ზელენსკიმ აშშ-ს უწოდა უკრაინის „მძლავრი და ძალიან სერიოზული პარტნიორი, უწინარეს ყოვლისა, რუსეთის აგრესიის დასაძლევად“. მანვე აღნიშნა, რომ უკრაინა საკუთარი ძალებით ვერ შეძლებს დონბასსა და ყირიმში რუსეთის აგრესიასთან გამკლავებას: „ამიტომ თქვენი დახმარება გვჭირდება. მსურს მოგიწოდოთ, რომ აშშ-მა გააგრძელოს რუსეთის ფედერაციის წინააღმდეგ სანქციების გამკაცრება“.
ზელენსკიმ გამოთქვა მზადყოფნა უკრაინაში „გამჭვირვალე, ღია და დემოკრატიული რეფორმების“ ჩასატარებლად.
იმავე დღეს ზელენსკიმ ევროკომისიის პრეზიდენტის მოადგილე მაროშ შეფჩოვიჩთან შეხვედრისას გამოთქვა იმედი, რომ ევროკავშირი გააგრძელებს სანქციებით ზეწოლას რუსეთზე.