“Qırım birdemligi” koordinatorı Server Mustafayevniñ tutulıp alnmasından bir yıl keçti

Bir yıl evel, 2018 senesi mayıs 21-inde Bağçasarayda rusiye quvetçileri “Qırım birdemligi” cemaat birleşmesiniñ koordinatorı, cemaat jurnalisti Server Mustafayevniñ evine tintüvnen keldi. O künü onı tutıp aldılar.


Kreml nezaretindeki Aqmescit Kiyev rayon mahkemesi 2018 senesi mayıs 22-sinde Mustafayevni tevqif etti. Ondan berli faalci Aqmescit SİZOsında bulunmaqta. Onıñ qabaatlavını “Hizb ut-Tahrir davası”na qoştılar.




Server Mustafayevniñ evde qadını ve dört balası qaldı. Tevqif künü onıñ küçük qızı Naciye eki ayını toldurğan edi.