Жамбыл облысы әкімінің жаңа кеңесшісі тағайындалды

Бүгін Жамбыл облысы әкімінің жаңа кеңесшісі болып Біржан Сөктай тағайындалды, – деп хабарлайды “ZhambylNews” AA облыс әкімдігінің баспасөз қызметіне сілтеме жасап.

Б. Сөктай 1981 жылы Талас ауданында өмірге келген. Ол Мұхаммед Хайдар Дулати атындағы Тараз мемлекеттік университетін «Қазақ тілі әдебиеті және ағылшын» мамандығы бойынша тәмамдаған.

Біржан Сартбекұлы өз еңбек жолын 2003 жылы Жамбыл облыстық телеарнасынан бастаған. Одан кейінгі әр жылдары Республикалық «КТК», «ОРТ» «Еуразия», «МИР» телерналарында еңбек етіп, шыңдалды. Атырау және Ақмола облыстық телеарналарында басшылық қызметтi де атқарды. «Нұр Отан» партиясының баспасөз қызметiнде, «Түркістан» газеті бас редакторының орынбасары болып қызмет етті.

Б.Сөктай 2018 жылдың қаңтарынан бастап бүгінгі күнге дейін Жамбыл облысы әкімінің баспасөз қызметінің жетекшісі болып еңбек етіп келді.

Жаңа кеңесші облыстың идеологиялық саласына жауап беретін болады.

Сообщение Жамбыл облысы әкімінің жаңа кеңесшісі тағайындалды появились сначала на ZhambylNews АҚПАРАТ АГЕНТТІГІ.