Касильяснинг рафиқасида рак борлиги аниқланди
Испаниялик посбон Икер Касильяснинг рафиқаси Сара Карбонеро инстаграмдаги расмий саҳифаси орқали унда рак аниқланганини маълум қилди.
«Биз, битта шок ҳолатдан узоқлашмай, яна бошқасига ҳам дучор бўлдик. Бир неча кун олдин ўтказилган тиббий текширувларда менда рак ўсимтаси борлиги маълум бўлди. Мен жарроҳлик амалиётини ўтказишга улгурдим. Ҳаммаси жуда яхши ўтди. Бахтимга, касалликни эрта аниқлашга муваффақ бўлдик. Бироқ, мен бир неча ой даволаниш курсларини ўтаб, курашишимга тўгри келади. Бўлажак йўл қийин бўлади. Бироқ, натижаси ижобий якунланади. Менга оилам ва дўстларим кўмаги ёрдам беради», – дея қайд этган Карбонеро.
Эслатиб ўтамиз, 38 ёшли Икер Касильяс «Порту»нинг машғулотлари вақтида юраги хуруж қилиши натижасида шифохонага ётқизилган ва бир неча кундан сўнг тиббий бинони тарк этганди. Шифокорлар унга бошқа футбол ўйнамасликни маслаҳат беришмоқда.