Зәй гөлләр-ганҗәләргә күмелә
Зәй “Горзеленхоз” җаваплылыгы чикләнгән ширкәте эшчеләре бүгенге көндә шәһәрнең үзәк, Ефимов урамнарында, Ринат Фәрдиев исемендәге ял паркына, Җиңү проспектына вербена, виола, агиратум, петуния, бәрхет гөле һ.б чәчәкләр утырту белән мәшгуль. Ширкәт эшчеләре май-июнь айларында шәһәр-бистәләргә 65 мең төп чәчәк утыртачак. Болардан тыш, Зәйдә өстәмә бер миллион сумга куаклар да утыртылачак, ди ширкәт җитәкчесе Алексей Плешков. Гомумән алганда, быел ширкәт тарафыннан шәһәребез урамнарына 85 мең төп чәчәк утыртылачак.