Җыелган вак акча операциягә җиткән
Ил буенча балаларны дәвалау өчен копилкалардан вак акчалар тапшыру буенча Бөтенроссия акциясе бара. Казан да тәүге тапкыр әлеге акциягә кушылган.
Быел 17 яшьлек Евгения Карнадудка операция ясау өчен акча җыйганнар. Дәвалау 700 мең сумга якын бәядә булган. «Тормыш линиясе» хәйрия фонды вәкилләре казанлылар тапшырган акчаны чутлагач, анда 377 825 сум 74 тиен акча җыелганлыгы мәгълүм була. Шәһәрдә яшәүчеләр акча тапшыруларын дәвам итә. Акча таләп ителгәннән күбрәк тә җыелыр дигән өмет бар. Шуңа да фонд башка бер кызга операция өчен акча җыюны дәвам итәргә карар иткән.