“Avvalo o‘z tilginangning xizmatin qil quldayin”

Ayniqsa, Evril Turonning “Millat til bilan tirik” maqolasi qalbim qa’ridagi chorak asrlik alamlarimni qo‘zg‘ab, qo‘limga qalam tutdi. Maqoladagi “Kim o‘zbek tiliga qarshi borsa, to‘g‘ridan-to‘g‘ri uni millat dushmani, Vatan xoini sifatida jazolash kerak!!!”, “O‘z tilini, o‘z millatini yerga urgan kishini jazolash lozim!!!”, “...Hamma davlat ishi faqat va faqat o‘zbek tilida olib borilishi shart!” kabi keskin fikrlar, keskir xitoblar bir paytlar dilimdan tilimga chiqib ulgurmay qatag‘onga uchragan, tug‘ilmay bo‘g‘ilgan nidolar edi...