Тошкентда 5 минг АҚШ долларини ноқонуний сотаётган «валютчик» қўлга тушди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Тошкент шаҳрида 5 минг 600 АҚШ долларини 57 миллион сўмга ноқонуний равишда пуллаётган валютафуруш қўлга олинди. Бу ҳақда Бош прокуратура матбуот хизмати «Дарё»га маълум қилган. Бош прокуратура ҳузуридаги департаментнинг Тошкент шаҳар бошқармаси томонидан валюта қимматликларини ноқонуний муомалага киритилишининг олдини олиш борасида, ИИБ ходимлари билан ҳамкорликда ўтказилган тезкор тадбирда, фуқаро И.М. ноқонуний даромад орттириш мақсадида харидор Б.га 5 минг 600 АҚШ долларини 57,1 миллион сўмга сотган вақтида ашёвий далил билан ушланган. Мазкур ҳолат юзасидан И.М.га нисбатан Жиноят кодексининг 177-моддаси 2-қисми (Валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда. Манба: Daryo.uz