ՀՀ իշխանություններն են պատասխանատու կորոնավիրուսից մահերի համար, ոչ թե ժողովուրդը, մեզ խայտառակեցին, դարձանք երրորդ կարգի երկիր՝ страна-изгой. Միքայել Մինասյան (տեսանյութ)
Նիկոլ Փաշինյանը ոչինչ չի արել, որպեսզի մարդկանց կողքին կանգնած լինի պետությունը, ավելին՝ պետությունը դարձավ այդ մարդկանց մահվան, հիվանդության և տնտեսական ճգնաժամի հիմնական մեղավորն ու պատճառը. այս մասին ֆեյսբուքյան իր էջում տարածած տեսանյութում ասաց Սուրբ Աթոռում ՀՀ դեսպան Միքայել Մինասյանը՝ անդրադառնալով Հայաստանում կորոնավիրուսով պայմանավորված իրավիճակին:
Խոսելով առողջապահության նախարարի գործունեության մասին՝ Միքայել Մինասյանը նշեց, որ նա համակարգում նշանակել է իր ընկերներին՝ այն դարձնելով կոռումպացված, վատացրեց հարաբերությունները հարևան Վրաստանի հետ:
Անդրադառնալով արտակարգ դրության ընթացքում Ազգային ժողովի գործունեությանը՝ նա նշել է, որ ոչ մի օրենք կամ գործողություն չի արվել այս ճգնաժամի հետ կապված:«Լանզարոտի պայմանագիրը, որին դեմ էր հանրությունը, արդյոք պետք էր անցկացնել արտակարգ դրության պայմաններում: Դուք այդ օրենքը անցկացրել եք, որովհետև ձեր պատվիրատուները հրամայել են»,-ասաց նա:
Նա նշեց, որ կան պաշտոնյաներ, որոնք ուղղակի չկան այս օրերին, մասնավորապես՝ Երևանի քաղաքապետը, Ազգային անվտանգության խորհրդի քարտուղարը:
«Նորմալ իշխանությունը մարդկանց չէր թողնի մենակ, կընդուներ խնդիրն ու կլուծեր այն»,-ասաց Միքայել Մինասյանը՝ նշելով, որ այժմ, երբ ամբողջ աշխարհն արդեն դուրս է գալիս ճգնաժամից, Հայաստանը նոր է մտնում:
«ՀՀ իշխանությունները ոչ միայն պատասխանատու են մահերի համար, այլև մեզ խայտառակեցին, դարձանք երրորդ կարգի երկիր՝ страна-изгой, Նիգերիային էլ ենք անցել թվերով, ամոթ է»,-ասաց Սուրբ Աթոռում ՀՀ նախկին դեսպանը:
Նա նշեց, որ չկա ուրիշ մեղավոր, բացի Նիկոլ Փաշինյանից:
«Նա համար մեկ և միակ մեղավորն է, ոչ նախարարը, ոչ փոխվարչապետը, որովհետև նրանք կամակատար են և հիմա կատարում են ամենաամոթալի հրահանգը. Սկսվել է օպերացիան՝ «ժողովուրդն է մեղավոր»: