ТОЖИКИСТОНДА ЭРКАК ОЛДИН ЎЗИНИ ПИЧОҚЛАБ, КЕЙИН ЎТ ҚЎЙДИ…
Бу фожиали манзара Тожикистоннинг Кулоб шаҳрида кузатилди. Маълумотларга кўра, «Кўҳнашаҳр» маҳалласида яшовчи 62 ёшли З. А. шаҳардаги молия ташкилоти билан шартнома тузган. Шартномага биноан у болалар боғчаларига озиқ-овқат маҳсулотларини етказиб бериши лозим бўлган. Эркак зиммасидаги вазифани бажарган. Бунинг учун бировдан қарз кўтарган. Ташкилотдагилар иши учун ҳақ тўлагач, қарзини узишни мўлжаллаганди. Аммо ташкилотдагилар ҳақ тўлаш масаласини кечиктираверишган. Эркак ташкилотга қатнайвериб чарчаган ва охирги келганда яна пул қўлига тегмагач, ташқарига чиққан-у, олдин ўзини пичоқлаган. Сўнгра қандайдир суюқликни устига сепиб, ўзига ўт қўйган. Эркакни жиддий куйиш ва тиғ жароҳатлари билан касалхонага ётқизишган. Кулоб шаҳар шифохонаси бош врач ўринбосари Саиданвар Исмоиловнинг айтишича, бемор жарроҳлик амалиётини бошдан кечирган. Қон кетишига барҳам берилган. Аммо аҳволи ўта оғир.