Rusiye: bir künde COVID-19-dan aman-aman 200 kişi vefat etti
Bir künde tibbiyet hadimleri 8 855 yañı koronavirus hastasını qayd etti, böyle insanlarnıñ sayısı 458 689 oldı.
Rusiye akimiyeti, 221 000 insan tüzeldi, 12,3 milliondan çoq test yapıldı, dep bildirdi.
Rusiye hastalarnıñ sayısına köre dünyada üçünci devlet ola. Johns Hopkins Universitetiniñ malümatına köre, Rusiyeden çoq hasta Braziliyada (aman-aman 615 000) ve ABDde (aman-aman 1,9 million) bar. COVID-19-dan vefat etkenlerniñ sayısına köre Rusiye 14-ünci yerde buluna.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.