Kelecek afta Qırımda anomal sıcaq olacağını tahmin eteler
«Ava esnaslarında büyük deñişim olacaq, yaqın aftada ava vaziyeti yüksek ava basımınen belgilenecek. Küneş olacaq, yağanaqlar az olmaycaq, yengil yel, esasen cenübiy yel olacaq. Ava arareti tez artacaq. Em de er kün», – dep tarif etti mütehassıs.
Sinoptikniñ bildirgenine köre, kelecek afta Qırımda ava arareti iklim normasından aman-aman 10 derece yüksek olacaq.
«Gece ava arareti +14…+19, bazı geceleri +15…+20 derece, kündüz +30…+35 derece olacaq, bu rekordqa yaqın raqamlar, ya da yañı ava maksimumları olacaq. Pek küneşli ve quru ava beklenile», – dedi Tişkovets.
Onıñ aytqanına köre, iyün ve iyül aylarında yağanaqlar normağa uyacaq. Faqat avgust ayında sinoptik yağanaqlar az olacaq, dep tahmin ete.