Այրվածքաբանության ազգային կենտրոնում բացված տրիաժը կթեթևացնի Նորքի ինֆեկցիոն հիվանդանոցի բեռը․ Փաշինյան
ՀՀ վարչապետ Նիկոլ Փաշինյանը իր ֆեյսբուքյան էջում գրում է․
Այրվածքաբանության ազգային կենտրոնի բազայի վրա այսօր ծավալված տրիաժ (ընդունում, ախտորոշում, տեղափոխում) կենտրոնը արդեն սկսել է ընդունել պացիենտների: Այնտեղ վերջին տվյալներով արդեն հոսպիտալացված է 31 քաղաքացի, որից 3-ը վերակենդանացման բաժնում:
Պացիենտները տրիաժ կենտրոններում թեստավորվում են և բուժօգնություն են ստանում մինչև թեստի պատասխանը, որից հետո տեղափոխվում են կորոնավիրուսային հիվանդության բուժումով զբաղվող հատուկ բժշկական կենտրոններ:
Այս կենտրոնի բացումով որոշակի չափով կթեթևանա Նորքի ինֆեկցիոն հիվանդանոցի բեռը, որը մինչ այս Երևանի միակ տրիաժ կենտրոնն էր:
The post Այրվածքաբանության ազգային կենտրոնում բացված տրիաժը կթեթևացնի Նորքի ինֆեկցիոն հիվանդանոցի բեռը․ Փաշինյան appeared first on MediaLab Newsroom-Laboratory.