Ադրբեջանցի հաքերները կորոնավիրուսով վարակված մոտ 1000 հայաստանցու տվյալ են հրապարակել. Սամվել Մարտիրոսյան
ՏՏ անվտանգության փորձագետ Սամվել Մարտիրոսյանը ֆեյսբուքյան իր էջում գրել է, թե ադրբեջանցի հաքերները 2 ֆայլով հրապարակել են կորոնավիրուսով վարակակիրների անձնական նոր տվյալներ՝ անուններ, հասցեներ և բջջային հեռախոսները։
«Էս անգամ անձնագրային տվյալներ չկան։ Մոտ հազար հոգու տվյալ կա:
Հ․Գ․ Ֆայլերը ինձանից մի ուզեք
Հ․Հ․Գ․ Հարգելի լրագրողներ, նախորդ արտահոսքին ավելացնելու բան չունեմ։ Նույն հաքերներն են։ Ենթադրում եմ, նույն ձևով են տվյալները ստացել․ մարդիկ մեյլերով տվյալները իրար են ուղարկում, մեյլերը կոտրում են, տվյալները ստանում։ Վուալյա, ինչպես ասում էր Հեյդար Ալիևը, փախնելով Կուբատլիից»,- գրել է նա:
Ավելի վաղ հայտնել էինք, որ Ադրբեջանը հանրայնացրել է կորոնավիրուսով վարակված 3500 հայաստանցիների և նրանց կոնտակտավորների անձնական տվյալները: