Հույս ունեմ, որ Իրանի միջուկային գործարքի ուղղությամբ առաջիկայում դրական տեղաշարժեր կլինեն. ԱՄՆ-ում ՌԴ դեսպան
ԱՄՆ-ում ՌԴ դեսպան Անատոլի Անտոնովը հույս ունի, որ Իրանի միջուկային գործարքի ուղղությամբ առաջիկայում դրական տեղաշարժեր կլինեն, հաղորդում է ТАСС-ը:
«Բայդենը հայտարարել է, որ պատրաստվում է վերադառնալ միջուկային գործարքին: Դեռ այդքան էլ հստակ չէ՝ ինչպես դա տեղի կունենա, բայց գլխավորն այն է, որ դա հայտարարվել է: Սա բազմակողմ փոխազդեցություն է, և մենք պատրաստ ենք դրան: Հույս ունեմ, որ մոտակա ժամանակներում այս ուղղությամբ դրական տեղաշարժ կլինի»,- հայտարարել է դեսպանը:
Անտոնովը «Соловьев live» հաղորդման ընթացքում ասել է, որ ռուս-ամերիկյան հարաբերություններում դրականորեն թե՛ Աֆղանստանի, թե՛ Սիրիայի խնդիրներում արդյունավետ երկխոսությունը կշարունակվի:
«Լատինական Ամերիկայի հարցում տարաձայնություններ շատ ենք ունեցել և, հավանաբար, դրանց պահպանվում են, բայց նրանց հետ այս առումով շարունակելու ենք երկխոսել»,- ասել է Անտոնովը: