Ауыр салмақтағы қазақстандық боксшы "Годзиланы" жеңді
Ауыр салмақтағы қазақстандық боксшы Жан Кособуцкий WBA International белбеуін жеңіп алды. Кособуцкий "Годзилла" деген атпен танымал нигериялық Онориоде Евариемені жеңді, - деп хабарлайды Tengrinews.kz тілшісі Vesti.kz-ке сілтеме жасап.
Спортшылар Гамбургте өткен кеште бос титул үшін жекпе-жекке шықты. Бокс 12 раундқа есептелген, бірақ мерзімінен бұрын аяқталды. Үшінші раундта Кособуцкий қарсыласын нокдаунға жіберді, ал төртінші раундта нокаутқа түсірді.
Профи рингте жеңіліп көрмеген қазақстандық осымен 15-рет жеңіске жетті және оның он төртін мерзімінен бұрын аяқтады. Ал Евариеме екінші рет жеңіліп қалды.
"Мен ұзақ шайқасқа дайындалдым және үнемі нокаутқа түсіруге тырыстым. Солай болды, қуаныштымын. Жалпы, үздіктердің ішінен менімен қарсылас болғысы келетіндермен жекпе-жекке дайынмын", - деді боксшы жеңістен кейін рингте.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!