ԱՄՆ Լուիզիանա նահանգում հրաձգություն է տեղի ունեցել. կան զոհեր
ԱՄՆ Լուիզիանա նահանգում զենքի խանութի մոտ տեղի ունեցած հրաձգության հետևանքով զոհվել է առնվազն 3 մարդ, երկուսը` վիրավոր են: Այս մասին տեղեկացնում է «ՌԻԱ Նովոստի» գործակալությունը` հղում տալով Ջեֆերսոն Փերիշ շրջանի շերիֆ Ջոզեֆ Լոպինտոյին:
Twitter- ում արված հայտարարության համաձայն, ոստիկանության աշխատակիցները կրակոցների մասին տեղեկություն են ստացել շաբաթ օրը՝ տեղական ժամանակով 14:50-ին (Երևանի ժամանակով կիրակի` 00:50-ին): Տեղում նրանք տեսել են հրազենային վնասվածքներով մի քանի մարդու, որոնցից 3-ը մահացած են եղել, 2-ը տեղափոխվել են հիվանդանոց: Նրանց վիճակը կայուն է:
Շերիֆի խոսքերով ՝ կասկածյալը խանութի ներսում կրակել է 2 մարդու վրա, այնուհետև դուրս է եկել փողոց և գնդակահարվել այլ մարդկանց կողմից: Նա տեղում մահացել է: