Кобулда амалга оширилган портлашларда беш одам нобуд бўлди
Кобул полицияси матбуот котиби Фирдавс Фарамарзнинг айтишича, автомобилга ўрнатилган икки бомба 15 дақиқа фарқ билан портлаган.
Полиция автомашинасини нишонга олган учинчи портлаш икки соатдан кейин юз берган. Натижада транспорт воситасида кетаётган икки афғон аскари ва тинч аҳоли вакили ҳалок бўлган.
Портлашлар учун ҳали бирор гуруҳ жавобгарликни ўз зиммасига олгани йўқ.
Сўнгги ҳафталарда Кобулда хавфсизлик кучлари ходимлари, амалдорлар, судьялар, фуқаролик жамияти фаоллари ва журналистларга қарши бир неча бомба ҳужуми амалга оширилди.