Шефот на МААЕ во посета на Иран
Иран соопшти дека ќе престане со спроведување на „доброволни мерки за транспарентност“ согласно нуклеарниот договор од 2015 година со големите сили, вклучувајќи го и таканаречениот Дополнителен протокол, кој им овозможува на инспекторите на МААЕ да ги посетуваат иранските постројки.
Меѓународната агенција за атомска енергија соопшти дека минатонеделата посета на Гроси на Техеран била за да се најде „заемно согласно решение за да може МААЕ да продолжи со суштинските активности во Иран“. Иран истакна дека нема да престане да соработува со Агенцијата или да протерува инспектори.
Иран и шест светски сили во 2015 склучија значаен нуклеарен договор со кој Иран се обврза да ја ограничи програмата за збогатување на ураниум, а за возврат се укинаа меѓународните санкции кон Иран. Но, американскиот претседателот Доналд Трамп во мај 2018 година ја повлече својата земја од спогодбата и повторно воведе санкции кон Иран, кои ја осакатија тамошната економија. Според Трамп, условите за Иран од договорот не се доволно строги.
Како одговор, Техеран постепено го прекршува договореното.
Администрацијата на новиот американски претседател Џо Бајден бара начини како да се вратат на договорот. Белата куќа на 19 февруари соопшти дека Европската унија ја објави идејата за разговор меѓу Иран и шесте големи сили кои го потпишаа договорот. Истиот ден, Бајден рече дека Вашингтон е подготвен да се вклучи повторно со меѓународните партнери кои го потпишаа договорот за иранската нуклеарна програма.
САД не планираат дополнителни чекори против Иран пред „дипломатските разговори“ предложени од ЕУ
Иранскиот заменик министер за надворешни работи, Абас Арагчи, на 20 февруари изјави дека неговата земја ја разгледува понудата на Европската унија да биде домаќин на состанок меѓу Иран и другите страни потписнички на договорот во 2015.