"Турон"га қўшилиб "Андижон" ҳам Суперлигани тарк этиши аниқ бўлди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Бугун Суперлигада 25-тур ўйинлари бўлиб ўтди. Бекободда "Металлург"га ютқазган "Турон" клуби кейинги мавсумни Про лигада ўтказиши аниқ бўлди. Бундан ташқари ўз майдонида "Навбаҳор"га мағлуб бўлган "Андижон" ҳам сўнгги турда қандай натижа қайд этишидан қатъий назар 13-ўриндан тепага чиқа олмайди. Айни пайтда "Сурхон" ва "Металлург" клубларида "Андижон"дан 3 очколик фарқ бор. Водий клуби сўнгги турда ғалаба қозониб бу клубларга етиб олган тақдирда ҳам ўзаро ўйинларга кўра улардан устун бўла олмайди. Ўзаро ўйинлар: Андижон - Сурхон 1:0 Сурхон - Андижон 2:0 Андижон - Металлург 1:2 Металлург - Андижон 2:0 Маълумот учун, регламентга кўра 13 ва 14-ўриндаги жамоалар тўғридан-тўғри Про лигага тушиб кетишади. 12-ўринни эгаллаган жамоа эса 2 декабрь куни плей-оффда Про лигада 3-ўринни олган "Олимпик" клуби меҳмони бўлади. Суперлигада сўнгги тур баҳслари 27 ноябрь куни бўлиб ўтади.