Eski Qırımda tutulğan Nariman Ametov FSB hadimleri onı elektrik aqımınen işkencege oğrattı, dep bildire
Bu aqta Nariman Ametov «Qırım birdemligi» cemaat birleşmesine haber etti.
«Üçünci darbe aldım, miyim iridi. Bir şeyni kontrol etip olamadım. «Yeter, cihazğa oturacam!» dep qıçırdım. O, ise böyle dedi: «Artıq men qarar berecem» ve köteklemege devam ettim. Andan çıqmam, dep tüşüne edim», – dep tarif etti Ametov.
Hatırlatamız, dekabrniñ 17-nde saba Eski Qırımda Rusiye quvetçileri qırımtatarı Nariman Ametovnıñ evini tintti. O, tutuldı, onı belli olmağan yerge alıp kettiler. Narimannıñ ömür arqadaşı Elmaz Ametova, aqayı qırımtatar faalleri Nariman Celâl ve ağa-qardaş Ahtemovlar qabaatlanğan Anğara köyünde «gaz borusındaki diversiyağa» alâqası bar olğanından şübheli sayıla, dep bildirdi. Advokatlar bu malümatnı tasdıqlamay. Soñra faaller «Ametovnıñ bulunğan yeri belli degil», dep bildirdi.
Rusiye quvetçileri Nariman Ametovnıñ evinde keçirilgen tintüvnen bağlı resmiy tefsir bermey.