Алматыда тәртіпсіздіктерге қатысқан 2400 адам ұсталды
Алматыда терроризмге қарсы операция басталғалы заңсыз акциялар мен тонауға қатысқан 2402 адам ұсталды, - деп хабарлайды Tengrinews.kz тілшісі Алматы комендатурасының ақпараттық орталығына сілтеме жасап.
"Лаңкестік әрекеттерге қарсы операция басталғаннан бері заңсыз акциялар, тонау және басқа да қылмыстарға қатысқан 2 402 адам ұсталды. 79 атыс қаруы мен 3 976 оқ-дәрі тәркіленді. Өткен тәулікте "102" пультіне 586 хабарлама түсті", - дейді комендатура өкілдері.
Бұған дейін Алматы полициясы жаппай тәртіпсіздіктер кезінде полиция департаментінің ғимаратына 1000-нан аса адам шабуыл жасағанын хабарлаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!